
那洛巴大师教言集NARO30འཕོ་བ་སེར་སྣ་རྡོ་རྗེའི་ཤོག་རིལ།
1-4-53b

༄༅། །འཕོ་བ་སེར་སྣ་རྡོ་རྗེའི་ཤོག་རིལ།
༄༅། །འཕོ་བ་སེར་སྣ་རྡོ་རྗེའི་ཤོག་རིལ་བཞུགས་སོ། །ཨུ་རྒྱན་གྱི་གདམས་
པ་མཁའ་འགྲོ་མ་ཐམས་ཅད་ཀྱི་ཡང་སྙིང་། རྒྱུད་ཐམས་ཅད་ཀྱི་སྙིང་པོ་བསྡུས་པ། རིན་པོ་ཆེ་གསེར་ཞུན་དྲིལ་བ་ལྟ་བུའི་མན་ངག །དཔལ་ན་རོ་པ་ཆེན་པོའི་བཞེད་ཀྱིས། སྦྱངས་ཏེ་འཕོ་བ་ལ་གསུམ་
ཡིན་གསུང་། དེ་ལ་རྩ་རྡོ་རྗེ་ཐོད་སྦྱོར་གྱི་མན་ངག །རླུང་རྡོ་རྗེ་ཐོད་སྦྱོར་གྱི་མན་ངག །ཐིག་ལེ་རྡོ་རྗེ་ཐོད་སྦྱོར་གྱི་མན་ངག་དང་གསུམ་མོ། །དེ་ཡང་དཔལ་གསང་བ་འདུས་པ་ལས། དེ་བཞིན་གཤེགས་
པའི་ཚོགས་བསགས་ནས། །དངོས་གྲུབ་རབ་མཆོག་ཐོབ་པར་འགྱུར། །མྱ་ངན་འདས་པའི་མི་བཟད་མེས། །ཐལ་བའང་ལུས་པར་མི་འགྱུར་རོ། །ཞེས་པས་གཞན་ཡང་། རྒྱལ་པོ་མཆོག་གསུམ་
དེ་རབ་མཆོད། །མཎ་ཏྲ་ཨ་ས་ང་ལ་དྲིས། །དཀྱིལ་འཁོར་རྒྱལ་མཆོག་ལྷ་རྒྱལ་མཆོག །སྔགས་ཀྱི་རྒྱལ་མཆོག་གསུམ་པ་ཡིན། །ལུས་ལ་དཀྱིལ་འཁོར་བཞི་གནས་ཏེ། །དཀྱིལ་འཁོར་བཞི་དང་ལྷ་བཞི་
1-4-54a

གནས། །ལྟེ་དབུས་རིན་འབྱུང་དཀྱིལ་འཁོར་ནི། །བསྐྱེད་པའི་ས་བོན་ཨ་ཡིན་ཏེ། །ཁ་དོག་སེར་པོ་གསལ་བར་བསྒོམ། །ཨ་ཡི་རང་བཞིན་ལྷ་མོ་སྤྱན། །ཡུམ་གྱི་ས་བོན་ཡིན་
པར་འདོད། །སྙིང་ཁ་མི་བསྐྱོད་དཀྱིལ་འཁོར་ནི། །བསྐྱེད་པའི་ས་བོན་ཧཱུཾ་ཡིན་པས། །ཁ་དོག་སྔོན་པོ་གསལ་བར་བསྒོམ། །བམ་གྱི་རང་བཞིན་བདག་མོར་གནས། །མགྲིན་དབུས་སྣང་མཐའི་དཀྱིལ་འཁོར་ནི། །
བསྐྱེད་པའི་ས་བོན་ཧྲི་ཡིན་པས། །ཁ་དོག་དམར་པོ་གསལ་བར་བསྒོམ། །མ་ཡི་རང་བཞིན་གོས་དཀར་མོ། །ཡུམ་ནི་དེ་ལ་བསྐྱེད་པར་འདོད། །སྤྱི་གཙུག་དོན་གྲུབ་དཀྱིལ་འཁོར་ནི། །བསྐྱེད་པའི་ས་བོན་
ཁམས་ཡིན་ཏེ། །ཁ་དོག་ལྗང་ཁུ་གསལ་བར་བསྒོམ། །ཡ་ཡི་རང་བཞིན་དམ་ཚིག་སྒྲོལ། །ཡུམ་དང་གཉིས་སུ་མེད་པར་བཞུགས། །སངས་རྒྱས་རྣམ་པར་སྣང་མཛད་ཆེ། །ཀུན་གྱི་དབུ་བརྒྱན་ཚུལ་དུ་
བཞུགས། །ས་བོན་ཡི་གེ་ཨཾ་དུ་གདོད། །ནམ་མཁའི་སྒྲོལ་མ་སྤང་ན་གནས། །སྤྱི་བོ་བདེ་ཆེན་འཁོར་ལོ་ན། །སེམས་ཉིད་གཤེགས་པའི་ལམ་ཡོད་དེ། །དོན་ཡོད་གྲུབ་པའི་དཀྱིལ་འཁོར་དུ། །འཆི་
ཁར་རང་སེམས་འཕོ་བར་གསལ། །སྦྱང་དང་ལས་ལ་སྦྱར་བ་ལ། །སྦྱང་པའི་དོན་ནི་འདི་ལྟར་བསྒོམ། །ཨ་བ་འདུ་ཏིའི་མར་སྣ་ན། །མ་ལས་ཐོབ་པའི་ཡི་གེ་གཅིག །ཉི་མའི་དཀྱིལ་འཁོར་ཉིད་དུ་
1-4-54b

གསལ། །དེ་ལ་འོད་བྱུང་ཕྱི་ནང་གི། །དངོས་པོ་མ་ལུས་བསྲེགས་པར་བསམ། །ཕྱིའི་སྣང་བ་དཀར་དམར་དང་། །ནང་གི་རྣམ་རྟོག་མ་ལུས་པ། །ཡི་གེ་ལྔའི་ཁ་དོག་དང་། །ཡུམ་གྱི་ས་བོན་ལ་སོགས་པ། །
སྐད་ཅིག་ཉིད་ལ་བསྲེགས་པར་བསམ། །ཕྱི་ནང་མེད་པ་མེ་རུ་འབར། །རང་ལུས་དུལ་གྱིས་ཚིག་པར་བསམ། །རང་སེམས་ཡི་དམ་ལྷར་གསལ་བའི། །ལྟེ་བའི་དཀྱིལ་དུ་རིན་འབྱུང་བྱོན། །སྙིང་ཁར་
རྡོ་རྗེ་སེམས་དཔའ་དང་། །སྣང་བ་མཐའ་ཡས་དོན་ཡོད་གྲུབ། །མགྲིན་དབུས་སྤྱི་གཙུག་དག་ཏུ་བྱོན། །རང་སེམས་གཉུག་མའི་ངོ་བོ་ལ། །ལྷ་རྣམས་ཕྱག་རྒྱ་ཆེན་པོར་བྱོན། །ཨ་བ་འདུ་ཏིའི་ཡར་
སྣ་ན། །ཕ་ལས་ཐོབ་པའི་ཡི་གེ་གཅིག །ཟླ་བའི་ཚུལ་དུ་གནས་ཀྱིན་ཡོད། །དེ་ལས་འོད་བྱུང་ཆུ་རྒྱུན་གྱིས། །ཕྱི་ནང་མ་ལུས་དག་པར་བསམ། །ལྷ་རྣམས་སྐུ་ཁྲུས་གསོལ་བ་ཡིས། །ཤིན་དུ་(ཏུ་)
མདངས་དང་ལྡན་པར་བསམ། །སྦྱངས་པའི་དུས་ནི་ཐམས་ཅད་དུ། །སྒྱུ་ལུས་ཕུང་པོ་མི་བསྒོམ་པར། །རང་སེམས་ཡི་དམ་ལྷར་བསམས་ན། །དངོས་པོ་ཀུན་ལ་ཞེན་པ་དང་། །ཆགས་པའི་མཚན་
མ་ཅུང་ཟད་ཀྱིས། །འཆི་བར་ཡང་ནི་མི་ནུས་ཏེ། །སེམས་ཉིད་རྩལ་སྦྱོང་གོམས་པ་ལས། །སྟོང་པ་སྟོང་པ་ཆེན་པོ་དང་། །གསུམ་པ་ཤིན་དུ་(ཏུ་)སྟོང་པ་ལས། །འོད་གསལ་བ་ལ་གནས་པར་བྱ། །དེ་
1-4-55a

ཡིས་བདེ་བ་ཆེན་པོར་ནི། །རང་དབང་མེད་པར་འཕོ་བ་ཡིན། །དཀྱིལ་འཁོར་བཞི་དང་ལྷ་བཞི་པོ། །དཀྱིལ་འཁོར་རྒྱལ་མཆོག་ལྷ་རྒྱལ་མཆོག །གོ་རིམས་བཞིན་དུ་འདོད་
པ་ཡིན། །སྔགས་ཀྱི་རྒྱལ་མཆོག་ཡིག་འབྲུ་དགུ། །སྒོ་དགུ་བགེགས་ཀྱང་འདི་ན་གསལ། །ཡུམ་གྱི་སྨད་ཀྱི་སྒོ་འགགས་ལ། །ཡབ་ཀྱི་སྟོད་ཀྱི་སྒོ་རྣམས་འགག །ཤིན་དུ་(ཏུ་)གསལ་བའི་མན་ངག་ནི། །ལས་
ཀྱི་སྒྲོན་མེའི་ནང་དུ་བལྟོས། །བྱ་བ་བྱེད་དང་མི་བྱེད་པ། །ཆོ་ག་ཐམས་ཅད་དེ་ནས་བསྟོན(བསྟན)། །གཉིས་པ་ལས་ལ་སྦྱང་བ་ནི། །མགོ་བོ་བྱང་ཕྱོགས་དག་ཏུ་བསྟན། །ངོས་ནི་གཡས་པ་འོག་ཏུ་བཞུག །བླ་མ་
ཡི་དམ་ལྷ་ཚོགས་ལ། །བར་ཆད་མེད་པའི་གསོལ་བ་གདབ། །ཕྱི་ནང་གསང་གསུམ་འཆི་རྟགས་རྣམས། །གོ་རིམས་ངེས་པར་འབྱུང་བ་ཡིན། །ཨ་བ་འདུ་ཏིའི་ནང་ཉིད་དུ། །རྒྱལ་བ་རིགས་ལྔ་གསལ་གདབ་
ལ། །རྣམ་སྣང་སྤྱི་གཙུག་དག་ཏུ་བསྒོམ། །མིག་གི་དབང་པོ་འགགས་དུས་དེར། །རིན་ཆེན་འབྱུང་ལྡན་ཡབ་ཡུམ་གཉིས། །མེ་ཡིས་བསྲེགས་པ་མན་ངག་ཡིན། །ཁ་དོག་སེར་པོ་ཡུངས་ཀར་ཙམ། །
རྣམ་སྣང་མཛད་ཀྱི་ཐུགས་ཀར་ཐིམ། །རྣ་བའི་དབང་པོ་འགགས་ཙམ་ན། །རྡོ་རྗེ་སེམས་དཔའ་ཡབ་ཡུམ་གཉིས། །མེ་ཡིས་བསྲེགས་པ་མན་ངག་ཡིན། །ཁ་དོག་སྔོན་པོ་སྲན་ཆུང་ཙམ། །རྣམ་
1-4-55b

སྣང་ཐུགས་ཀར་གོང་དང་འདྲ། །སྣ་ཡི་དབང་པོ་འགགས་ཙམ་ན། །སྣང་བ་མཐའ་ཡས་ཡབ་ཡུམ་གཉིས། །མེ་ཡིས་བསྲེགས་པ་མན་ངག་ཡིན། །ཁ་དོག་དམར་པོ་སྐྱེར་འབྲུ་ཙམ། །རྣམ་སྣང་ཐུགས་
ཀར་གོང་དང་འདྲ། །ལྕེའི་དབང་པོ་འགག་དུས་དེར། །དོན་ཡོད་གྲུབ་པ་ཡབ་ཡུམ་གཉིས། །མེ་ཡི་བསྲེག་པ་མན་ངག་ཡིན། །ཁ་དོག་ལྗང་ཁུ་བྱིང་དྲན་ཙམ། །རྣམ་སྣང་མཛད་ཀྱི་ཐུགས་ཀར་བསྟིམ། །
རྩ་ཡི་མཚན་ཉིད་ཤིན་དུ་(ཏུ་)གཅེས། །ཉི་མའི་འོད་ལས་མེ་བྱུང་ནས། །རང་ཉིད་ལྷ་ཡི་སྐུར་བསྒོམས་པས། །བསྲེགས་ནས་འོད་དུ་ཞུ་བ་དེ། །རྣམ་པར་སྣང་མཛད་ཐུགས་ཀར་བསྟིམ། །ཐིག་ལེ་རྡོ་རྗེ་ཐོད་
སྦྱོར་གྱི། །མན་ངག་ཐམས་ཅད་འདི་ནས་སྟོན། །ཤེས་རབ་ཡེ་ཤེས་མེ་བོ་ཆེ། །སངས་རྒྱས་རྣམ་པར་སྣང་མཛད་ཆེ། །འོག་མིན་གནས་ན་བཞུགས་པ་ལ། །དུས་ནི་བསྐལ་པ་དཔག་མེད་དོ། །ཀུན་
ལ་སྐྱེ་མེད་རྒྱ་ཡིས་གདབ། །མཁའ་ལ་སྤྱོད་པ་ས་ལ་སྤྱོད། །ས་འོག་སྤྱོད་པའི་ལྷ་ཚོགས་ཀྱིས། །གདུགས་དང་རྒྱལ་མཚན་བ་དན་རྣམས། །ཐོགས་ནས་མཁའ་སྤྱོད་གནས་སུ་གསུང་། །ལྕེ་ཡི་
དབང་པོ་ཉམས་པ་ཡིས། །རྣམ་པར་ཤེས་པ་ཐིམ་དུས་དེར། །སྟེང་འོག་རླུང་གི་འབྱུང་འཇུག་ནི། །ལས་ཀྱི་སྒྲོན་མེས་གསལ་བར་བྱེད། །རླུང་གི་རྡོ་རྗེ་ཐོད་པ་ལས། །སྦྱོར་བའི་མན་ངག་འདི་ནས་
1-4-56a

སྟོན། །གཟུགས་ཀྱི་ཕུང་པོ་རྣམ་དག་པས། །ང་རྒྱལ་མཉམ་ཉིད་ཡེ་ཤེས་སུ། །རིན་ཆེན་འབྱུང་ལྡན་སངས་རྒྱ་འོ། །ཚོར་བའི་ཕུང་པོ་རྣམ་དག་པས། །ཞེ་སྡང་མེ་ལོང་
ཡེ་ཤེས་སུ། །རྡོ་རྗེ་སེམས་དཔར་སངས་རྒྱའོ། །འདུ་ཤེས་ཕུང་པོ་རྣམ་དག་པས། །འདོད་ཆགས་སོར་རྟོག་ཡེ་ཤེས་སུ། །སྣང་བ་མཐའ་ཡས་སངས་རྒྱའོ། །འདུ་བྱེད་ཕུང་པོ་རྣམ་དག་པས། །
ཕྲག་དོག་བྱ་གྲུབ་ཡེ་ཤེས་སུ། །དོན་ཡོད་གྲུབ་པར་སངས་རྒྱའོ། །རྣམ་ཤེས་ཕུང་པོ་རྣམ་དག་པས། །གཏི་མུག་ཆོས་དབྱིངས་ཡེ་ཤེས་སུ། །རྣམ་པར་སྣང་མཛད་སངས་རྒྱའོ། །ཤེས་བྱའི་སྒྲིབ་པ་
ལ་སོགས་དང་། །བག་ལ་ཉལ་རྣམས་གཏན་ནས་སྤང་། །རང་ཉིད་རྡོ་རྗེ་འཆང་ཆེན་དུ། །ཚེ་འདི་ཉིད་ལ་སངས་རྒྱའོ། །གོང་གི་འཆི་རྟགས་གང་ཞེ་ན། །ཕྱི་ཡི་སྣང་བ་དཀར་དམར་ལ། །དགྲ་
དང་འདྲེ་ཡི་འདུ་ཤེས་འབྱུང་། །ཤིན་དུ་(ཏུ་)འཇིགས་པའི་འདུ་ཤེས་ཀྱིས། །སྤང་བྱའི་དངོས་པོར་མཐོང་བ་དེ། །ཕྱི་ཡི་འཆི་རྟགས་ཡིན་པར་གསུངས། །ནང་གི་འཆི་རྟགས་གང་ཞེ་ན། །བུ་ག་
གཉིས་ནས་རྒྱུ་བའི་རླུང་། །འཛའ་ར་ན་ནི་རྒྱུ་བ་འཆད། །རོ་ཧི་ཏ་ནས་རྟགས་པར་ནི། །བདུན་གསུམ་ཉི་ཤུ་རྩ་གཅིག་ནི། །སྐད་ཅིག་ཅིག་ཀྱང་མི་འཕོ་བར། །རྟག་ཏུ་རྒྱུ་ན་འཕོས་ནས་འཆི། །[གཞན་ཡང་འཆི་
1-4-56b

ལྟས་འདི་རྣམས་འབྱུང་སྟེ། གཡུ་འབྲུག་སྔོན་མོའི་ནུར་སྒྲ་ཆད་པ་དང་། ཀློག་ལྕམ་འབར་བའི་ང་རོ་རལ་བ་དང་། ཏི་སེ་གངས་ཀྱི་རླངས་པ་ཤོར་བ་དང་། རྨ་བྱའི་མདོངས་ནི་ཡལ་བ་དང་། དབུས་ཀྱི་ཀ་བ་ལ། བཙན་གྱི་བྲག་པ་བཀྱེ་
བ་དང་། རྟ་མཆོག་སྔོན་མོའི་སྣ་ཆུ་སྐམས་པ་སོགས་འབྱུང་ངོ་། །]གསང་བའི་འཆི་རྟགས་[ན་རོ་པས། འཆི་ལྟས་བྱུང་ན་རྣལ་འབྱོར་པས། །མར་ལ་མ་དབབ་ཡར་ལ་འཕོངས། །ཞེས་སོ། །]འདི་བཞིན་འོང་། །རྟག་ཏུ་ཐིག་ལེ་འཛག་
པ་དང་། །ཐིག་ལེའི་ནང་དུ་ནག་པོ་འབྱུང་། །ཡང་ན་ཁྲག་དང་བཅས་ནས་འཛག །རྩ་རླུང་འཁྲུགས་པའི་རྟེན་འབྲེལ་གྱིས། །བསྲུངས་པས་མི་ཐུབ་འཕོ་བར་འགྱུར། །འཆི་བ་བསླུས་པས་མི་སླུས་ཏེ། །
ཚེ་ནི་ཕ་རོལ་འཕོ་བར་འགྱུར། །བསླུ་བར་འདོད་ན་འདི་བཞིན་བསྒོམ། །དང་པོའི་འཆི་རྟགས་ངེས་པས་ཏེ། །དེ་ལ་མན་ངག་འདི་བཞིན་བྱ། །ནང་བཅུད་སེམས་ཅན་མ་ལུས་པ། །ཡི་དམ་ལྷ་རུ་གསལ་
བཏབ་ལ། །བྱིན་བརླབ་དབང་བསྐུར་རྫོགས་པར་བྱ། །ཡི་དམ་ལྷ་ཡི་སྦྱོར་འཚམས་(མཚམས་)ནས། །བྱང་ཆུབ་སེམས་ཀྱི་བདུད་རྩི་གཉིས། །དཀར་ལ་དམར་བའི་མདངས་ཆགས་པ། །འབྲི་ཡི་མར་ཁུ་སྐོལ་
བ་འདྲ། །རང་གི་ལྕེ་ཡིས་ལྟོགས་པར་བསམ། །མིད་ལས་ཁོང་པའི་གནས་སུ་ཐིམ། །རྩ་གསུམ་རྩ་ཕྲན་ཐམས་ཅད་དུ། །བདེ་བ་དང་བཅས་ཁྱབ་གྱུར་ཏེ། །བ་སྤུའི་བུ་གའི་སྒོ་ཉིད་དུ། །ཡི་གེ་ཧཱུཾ་དུ་
1-4-57a

གྱུར་པས་བསམ། །ནང་གི་འཆི་རྟགས་ངེས་པ་ལ། །བསླུ་བའི་མན་ངག་འདི་བཞིན་བྱ། །ལྟེ་བའི་འོག་ཉིད་སོར་བཞིའི་གནས། །རྩ་གསུམ་འདུས་པའི་གནས་ཉིད་དུ། །
རླུང་གི་རྡོ་རྗེ་གྲམ་གཅིག །ཁ་དོག་ལྗང་ཁུ་གསལ་བར་བསྒོམ། །འབྱུང་བ་ས་ཆུ་མེ་ལ་སོགས། །རླུང་གིས་གཏོར་ནས་སྟོང་པར་བསམ། །གསང་བའི་འཆི་རྟགས་ངེས་པ་ལ། །ལས་ཀྱི་ཕྱག་རྒྱ་
མཚན་ལྡན་གཅིག །དབེན་པའི་གནས་སུ་བཀུག་ནས་ནི། །བླ་མ་རྣམས་ནི་སྤྱན་དྲངས་ལ། །ཚོགས་དང་གཏོར་མ་རྒྱ་ཆེན་བཤམས། །མཎྜལ་དབུས་སུ་ཨ་གཅིག་བྲིས། །གོ་རོ་ཙ་ན་སྔགས་པ་ཡི། །
ཕྱི་ནང་གསང་གསུམ་མཆོད་པ་དབུལ། །བུ་མོ་རྗེ་བཙུན་མ་རུ་བསྐྱེད། །དམ་ཚིག་ལ་གནས་ཡེ་ཤེས་བཞུག །སྐུ་གསུང་ཐུགས་ནི་བྱིན་གྱིས་བརླབས། །ཨ་ལས་ཆོས་འབྱུང་པདྨར་བསྒོམ། །ཧཱུཾ་ལས་
རྡོ་རྗེ་ཧཱུཾ་ཉིད་ཅིག །གཉིས་པོ་སྦྱོར་བའི་དགའ་བ་ལས། །ལོ་ཀ་ཁམས་སུ་སྒྲ་བྱུང་སྟེ། །དུས་གསུམ་བདེ་གཤེགས་ཐམས་ཅད་ཀྱི། །ཐུགས་ཀྱི་རྒྱུད་བསྐུལ་བྱོན་ནས་སུ། །རིགས་ལྔ་རིགས་ཀྱི་ལྷ་
ཚོགས་རྣམས། །འཁོར་ལོ་བཞི་ལ་ཐིམ་པར་བསམ། །རྡོ་རྗེ་རིགས་དང་རིན་ཆེན་རིགས། །པདྨ་ལས་ཀྱི་མགོན་པོ་རྣམས། །དེ་ལ་སོགས་པའི་རིགས་ཚོགས་ཀུན། །རིགས་བསྡུས་བྱེ་བྲག་སོ་སོ་
1-4-57b

ཡིས། །བྱོན་པའི་གནས་ཉིད་ཤེས་པར་བྱ། །འཆི་བ་བཟློག་པའི་མན་ངག་གོ། །དེས་ཀྱང་འཆི་བ་མ་བཟློགས་ན། །སྔོན་ལས་འཆི་དུས་ཆེན་པོ་ཡིན། །འཕོ་བ་འཕོ་བའི་ལས་ལ་སྦྱར་དུས་སུ། །རང་ཞེན་
གང་ལའང་ཞེན་པ་མེད་པ་གཅེས། །བླ་མ་དཀོན་མཆོག་ལ་སོགས་ལ། །མཆོད་པ་བཤམས་ལ་གསོལ་བ་གདབ། །རྣམ་སྣང་མཛད་ཀྱི་ཐུགས་ཁ་རུ། །ཐིག་ལེ་ཁ་དོག་གོ་
རིམས་བཞིན། །མ་ཡེངས་པ་ཡི་གནད་ཡིན་ཏེ། །སྟེང་འོག་རླུང་ནི་ཁ་སྦྱོར་ཏེ། །རྒྱུ་ཞབས་རྒལ་པ་ལ་སྦྱར་ནས། །འོག་སྒོ་སྟེང་སྒོ་ལ་སྦྱར་ཏེ། །སྦྱོར་བ་གསུམ་གྱི་མན་ངག་བྱ། །དུས་ལ་བབ་ན་
བཏང་བ་དང་། །དུས་མིན་ལྷ་རྣམས་གསོད་པར་བྱེད། །སྟེང་ནས་ཐོག་ནི་བབས་པ་ལ། །དེ་ལ་མཁས་པས་ཅི་ཞིག་བྱ། །མན་ངག་གནད་ཀྱི་འཕོ་བ་ལ། །མྱུར་བ་ཉིད་དུ་བཟློག་པ་མེད། །ཨྠིྀ།
ས་མ་ཡ། རྒྱ་རྒྱ་རྒྱ། གྷུ་ཧྱ།། །།


目录
འཕོ་བ་སེར་སྣ་རྡོ་རྗེའི་ཤོག་རིལ།